Shillong, Risaw 10: Ia ka “World Postal Day” la rakhe ha ka ri India baroh kawei ha ka 9th Risaw jong man la u snem naduh bala sdang ia ka “Universal Postal Union ha u snem 1874 bad la pynbna kum ka World Postal Day ha ka jingialang ha Tokyo ha u snem 1969.
U Subrat Das u Chief Post master General kane ka thain shatei lam mih ngi jong ka Ri India la ong ha Ri India la rakhe ia ka “National Postal Week” la jingpynlong naduh ka 9 haduh ka 14 tarik jong u bnai Risaw.
Ha kine ki sngi rakhe ia kane ka National Postal Week u Chief Postmaster General ba dei peit ia ka dong shatei lam mih ngi jong ka Ri India la iathuh ba, kin pynlong ia ka jingpynshai paidbah kaba kyrpang ba ki briew kin kynshew pisa ha ki post ophis, ka Insuran, ka jingiakop kyntip.
Haba ia dei bad ka ka jingphah ia ki mar ki matta na kawei ka jaka sha kiwei pat, kin pynlong ia ka jingialang paidbah ha baroh ki Divison ban pynsngewthuh sha ki paidbah ia ka jingtreikam jong ki post ophis. Kan don ruh ka jingpynshai ha kaba ia dei bad ka Aadhar Kard bad ka jingmyntoi kaba ki paidbah kin ioh.
Ka post ophis jong kane ka thain shatei lam mih ngi jong ka Ri India kan pynkhlain ia ka jingtrei kam sha ki nongkyndong ba ka long kum ki bank ban kynshew pisa ha ki jaka ba kin bank kim don.
La ai jingkhein ba kiba la plie akount bad ki post ophis sha ki nongkyndong kila kiew sha ka 15,97, 574 tylli lyngba ki skhim bapher bapher, 1,44,142 tylli ki akount na ka bynta ki khynnah kynthei kiba hapoh shiphew snem, 1,28,416 tylli ki Life Postal Insurance bad kila dep ban pyniasoh 500 tylli ki shnong lyngba ka Bima Gram Yojana.
Nalor kitei ki la don ruh 5,86,841 ki briew kiba la pyndon kam ia ka India Post Payment Bank, ki nongtrei kiba rah ia ki dak kila dep ban shon Aadhar 5,86,841 ngut bad ia ka pisa la lah ban pyniaid ia ka pisa haduh T.73.67 klur, la ong u heh ka post ophis ba dei peit ia ka North East.
