Mawlynsnai,Iaiong 02: Ka seng UDP mynta ka sngi ka la pynlong ia ka jingialap election ha Mawlynsnai ha Ri Bhoi District na ka bynta ka election MP ka ban sa long shen sa tang khyndiat sngi,Ki nongkren na kane ka seng ki long , u bah EMbhahlang B syiemlieh MLA ka mawlai constitwensi, bah Bindo Lanong ,Bah Hamlet Dohlieng bad ki wei ki wei.
U bah Embhah haba kren ha ka tei ka jingialang paidbah u la ong ngi la dep ban iakren ryngkat lang bad u bah paul Lyngdoh hapoh Assembly ha kaba ia dei bad u pud u sam namar ha kane ka thain ki don katto katne ki bynta kiba ka Jylla Assam kala knieh hynrei ka Congress kaba don ha ka bor ka sngap jar jar jar, u la ong ia ki paidbah sngewbah ba kin ailad ia u bah Paul ha kane ka kynti kaba mynta ba un leit mih khmat sha parliament ba un ioh ia ka lad ban pynbeit ia kine ki kynruh kynram.
Ka Party Congress ka la nang hiar mynta ha ka liang ka shynshar ka khadar ha ka jylla Meghalaya, bad tang ka wei kaba ki paidbah ki kwah bad angnud ruh ka Sorkar Congress ha Meghalaya kam lah ban pynhun ia ki paidbah bad kata ka long halor ka jingkwah jong ki paidbah ban pyntrei kam ia ka ILP la ong u bah Embhah.
Katba u bah Hamlet Dohlieng ha ka jingkren jong u ua la ong u ne u kyrtong u bah paul Lyngdoh ki don ka jingkyrmen ba un lah ban iarap ia ki jingeh jong u paidbah,katno ngut ki MP kiba na Meghalaya kiba la leit ban shong ha ka iing dorbar thawain ha Delhi hynrei kine baroh kim lah ban peit ia ki jingeh jong u paidbah.
Ha kajuh ka por u la ong biang u bah paul Lyngdoh u dei u briew u ba ieid ia ka jaitbynriew u ba don ka mynsiem jingkit khlieh na ka bynta ka Ri bad ka Jaitbynriew bad ubah paul u la long ruh u president jong ka KSU la shiphew snem.
Paidbah to ngin sei ban ia ailad noh mynta ka kynti ia u briew u ba don ka jingkit khlieh na ka bynta ka ri bad ka jaitbynriew ba un leit ban mih khmat sha Delhi u la ong ruh ba dei tang ka party UDP ka party riewlum kaba lah ban ialeh pyrshah ia ki National Party.
Ha kane ka jinglang la pynshongshit ruh ia ki paid nongsngap da ki jingrwai bad bun ki paidbah jong kane ka thain kiba la wan ban sngap hakane ka por.(SP News)
