Shillong, Lber 19: Mynta ka sngi ka iing bishar kaba ha khlieh duh jong ka Ri India ka Supreme Court kala shong bishar ia ka jingmudui jong ka North East Students Organisation (NESO) pyrshah ia ka jingpyntrei kam ia ka Citizenship Amendment Act 2014 bad Rule 2024.
Ha kane ka jingshong bishar na ka Supreme Court kala rah ban bishar biang ia kane ka mukotduma sha ka 9/Iaiong/2024, katba ha kaba ia dei bad ka jylla Assam ka iing bishar ba ha khlieh duh jong ka Ri kan sa bishar la ka jong.
Na ka bynta ka jylla Tripura bad North East na ka bynta kiwei pat ki jylla jong ka Ri India, ka iing bishar kaba ha khliehduh jong ka Ri India kala thung ia u Ankit Yadev u muktiar jong ka AASU bad jong ka NESO kum u ophisar ban peit ia ki nongmudui.
Ka iing bishar kaba ha khliehduh jong ka Ri India kala bthah ia ka sorkar pdeng ba kan thep nokol halor kane ka jingmudui pyrshah ia ka jingpyntreikam ia ka CAA bad buh ia ka por ba dei ban pynpoi ia ka nokol shuwa ka 9/Iaiong/2024.
