Haduh mynta pat ioh jingtip ei ei ha kaba ia dei bad u MDC na shu thung ka sorkar: Strong

Shillong, Lber 05: Halor ka jingbna khubor ba ka sorkar kan thung ia uwei u nominated MDC ban long hapoh ka Council, haba wat jingtip na u Chairman ka Council U bah Strong Pillar Kharjana u la ong ba haba iadei bad u nominated MDC, u la pynpaw ba haduh mynta na ka liang jong u, u khlem pat ioh jingtip eiei halor u nominated MDC.

Haba twad jingtip halor u nongialam ka liang pyrshah u la ong ba ki ba shong ha ka liang pyrshah ki la ia mynjur ia I bah Titostarwell Chyne ba un long kum u nongialam ka liang pyrshah lane kum uta u leaders of opposition.

Haba kylli halor ka dorbar mang tyngka hapoh District Council u bah Strong Pillar Kharjana u la pyntip ba kan sa sdang naduh ka 26 tarik u lber 2025, bad u la ong ruh ba ia ka election ban jied ia u deputy Chairman ruh kan long ha katei ka juh ka sngi ban sa sdang ka dorbar mang tyngka ka Khasi Hills Autonomous District Council.