Shillong, Jymmang 20: Ban ia kren ia ka jingdheng kali hapoh ka nongbah Shillong kala eh bha namar man ka sngi kin don 10 tylli ki kali thymmai kiba resgiter bad ka ophis jong u District Transport Officer ka East Khasi Hills District Shillong, la ong a DGP kong Idashisha Nongrang.
Kane ka jingjubab na ka heh duh jong ki pulit halor ka jingkylli haba ia dei bad ka jingdhengkali ha kane ka nongbah Shillong kaba la ktah lut ia baroh ki nongleit nongwan ha kane ka nongbah.
Ka DGP ka long ba ki surok ha kine ki sanphew snem ki neh kum juh bad lada kwah ban pynheh ruh ka don jingeh, mano ban poi kyrphat ba ki kali kin bun haduh kattne ha kaba mynta tang ha DTO Shillong, tang ki kali thymmai man ka sngi ki register haduh 10 tylli.
Haba ia dei bad kane ka jingdheng kali ka long kaei kaei kaba eh shisha namar tang ki kali kiba na East Khasi Hills District kimih lut ha ka juh ka sngi, yn nym don jaka ban pynieng ha surok, ia kane ka bynta dang hap ia peit kumno ban leh.
