Shillong, Naiwieng 10: U bah Metbah Lyndoh Shnongknor ka iing dorbar thaw ain ka jylla u la buh ban ia kren la shai ka sngi por 11.00 baje mynstep halor ka phang bala wanrah da ka liang pyrshah ba kam Don shuh ka jingshaniah ia kane ka sorkar ka ba la ialam da u Conrad K Sangma.
Ha dien ka por jingkylli mynta ka sngi u Shongknor u la pyntip hapoh ka iing dorbar ba la ioh pdiang ia ka shithi ba kam Don shuh ka jingshaniah ia Kane ka sorkar iaba la soi da ki shiphew ngut ki MLA, u Dr Mukul Sangma, Zenith Sangma, George B Lyngdoh lem bad ki hynniew ngut kiwei de ki MLA na ka party congress.
Haba ia dei bad Kane ka jingwanrah ia ka phang bym Don jingshaniah shuh ia ka sorkar kat kum ka rule pyniaid dor 133(1) hap ban don 10 ngut ki MLA ki ban ieng hapoh ka iing dorbar khnang ban lah ban pdiang ia Kane ka phang bym Don jingshaniah shuh ia ka sorkar.
Kat kum ka jingbthah jong u Shongknor ki MLA jong ka liang pyrshah ki la iai ieng bad ki MLA kiba ieng kila don kumba la buh ha ka rule, ha di en ba la ioh ia ka jingdon ki dkhot ka iing dorbar na ka liang jong u Shongknor u la buh ia ka sngi ba kin ia kren la shai ka sngi ia Kane ka mat bym Don jingshaniah shuh ia ka sorkar por 11.00 baje mynstep.
Ha ka shithi bala thoh ba ki liang pyrshah ki wan raha ia Kane ka mat bym don jingshaniah shuh ia Kane ka sorkar bala ialam da u Conrad K Sangma ka long halor ka nongrim ba kane ka sorkar kam shym la lah ban iada ia ka jylla ha bun ki liang bad kiwei kiwei de ki bymta.
