Shillong, Naitung 10: U Deputy Commissioner u Bah PS Dkhar u la ong ba u la buh ia ka jingialang ha Shillong, ha karma trei kam jong u ban ia kren halor ka krem Mawjymbuin, Ka jingkhot ia kane ka jingialang ka long ban peit ba kan nym don kano kano ka jingwit ha ka por ba ki briew ki leit ban iaid pilgrim sha katei ka kren kaba don ha Mawsynram.
Haba kren ha u SP News Agency , na ka liang jong u Bah Dkhar u la ong ba u la khot shisien ia ka jingialang hynrei namar ba khlem poi u Bah T. Myrthong la hap ban buh teng noh shuwa bad mynta u la buh ban khot biang ia kane ka jingialang ha ka 15 tarik mynta u bnai.
Na ka liang jong ki bor ba dei peit ia District Administration, ki kwah tang ban peit ba kan nym don kano kano ka jingwit ha ka por ba don ka jingleit iaid pilgrim sha katei ka jaka, bad ban tip na ei hap ban shim jingbit khnang ba kan nym don kano kano ka jingthut ha kaba ia dei bad katei ka krem ka District Adminstration kam kwah ban tuklar.
