Shillong, Iaiong 05: Mynta ka sngi ka trok kit niut kala hap na Marten sha surok GS Road haba u niut ba dang don hapoh ka trok la theh ha surok, kane kala jia mynta ka sngi ha ka por mynstep.
Kane ka kali kit niut kala poi ha katei ka jaka ban leit pynhap ia u niut bala kit na ka nongbah Shillong, hynrei na kidaw kiba ym lah ban tip kala syntuid da dien bad hap sha GS Road bad u synrum na kane ka trok la theh ha surok.
Ha kane ka jingjia kan shym don kano kano ka jingjia kaba sngewsih, ia u niut hap ha surok la pynkhuid noh da ki nongtrei jong ka Shillong Municipal ban pynlait ia ka surok bah na ka jingjaboh.
