Shillong, Rymphang 11: U myntri rangbah ka jylla u Conrad K Sangma u la hap ban kohnguh ia ki para lok kiba ia don lang ha ka sorkar Meghalaya Democratic Alliance (MDA) ha kaba kila dawa ba dei ban weng ia u James K Sangma na ka tnad kam poh iing.
Ka jingdawa jong ki party kiba ia don lang ha ka sorkar MDA ban weng ia u James ka long halor ka jingkynnoh ha kaba ai dei bad ka jingjyllei ki kam khaii beain ia u dewiong ha kane ka jylla Meghalaya.
U myntri rangbah u Conrad K Sangma ha ka 11/02/2020 u la bujli kam noh ia ki myntri ha kaba ia ka tand kam poh iing la shimnoh na u James K Sangma bad la aiti noh sha u Bah Lahkmen Rymbui jong ka party UDP.
Haba ia dei bad ka tnad District Council kaba bat baroh shi katta da u James K Sangma ia kane ka kam ruh la weng bad la aiti noh sha u Bah Hamletson Dohliang ban peit ia ka DC(A).
Katba ia ka tnad pathai khubor jong ka sorkar kaba la bat da u bah AL Hek baroh shi katta la shim na u bah Hek bad aiti sha u James ban peit ia ka, ia ka tnad lum khajna kaba la bat hi da u myntri rangbah la aiti sha u James ban peit ia kane ka tnad sorkar.
