Shillong, Rymphang 21: Ka sorkar Meghalaya Democratic Alliance (MDA) hapoh ka jingialang jong u Conrad K Sangma na ka party NPP mar ia wan ha ka bor kala pynkiew ia ka dawai na ka bynta kiba leit ban shah sumar ha ki Hospital Sorkar.
Katkum ki jingtip kiba u SP News Agency u la ioh, kane ka bai dawai kaba ka sorkar kala mang na ka bynta kiba leit ban shah sumar sha ki Hospital sorkar ka long hapoh T.60/- tyngka ha ka shi sngi kane ka dei ka jingmang kaba heh duh bad kaba rit ka dei T.40 tyngka shisngi.
Ka jingmang ka bai dawai jong ka sorkar la buh ha ki saw bynta, na ka byta kiba shu leit ban shim dawai la mang T.40/- tyngka ha ka shisngi, kiba thiah ban shah sumar hapoh Hospital ka bai dawai ka long T.48/- tyngka shisngi.
Na ka bynta kiba shitom na ka jingpang TB kiba shu leit ban shim dawai lamang T.52/- tyngka shisngi bad ia kiba shah sumar hapoh hospital la mang T.60/- shisngi, ka jingmang pisa na ka bynta kiba shah shumar ha Mental Health ka long T.60/- tyngka ha ka shi sngi.
Na ki kot ki sla kiba paw kane ka jingpynkiew bai dawai ka sorkar ka long naduh ka 19th Jylliew 2018 bad kane ka juh ka dor ka dang neh haduh mynta ha kaba ka sorkar kam pat pynkiew ia ka bai dawai haduh mynta wat ha dien sawsnem.
