Shillong, Kyllalyngkot 08: Ki 772 ngut ki samla kiba la pass ia ka examin ha ka kam Jugali kaba la pynmih da ka MeECL naduh ka 2 tarik jong u Nailar 2016 kila pynpaw ia ka jingsngew diaw ka jong ki ba ioh kin duh kam noh namar ba kane ka list kan neh tang shisnem.
Ha ka kyrwoh kaba la phah da ki samla kiba la pass ia kane ka kam kila pynpaw ba naduh katei ka sngi ba mih kane ka list haduh mynta ka sngi ka MeECL kam pat lah ban thung kam wat tang u wei ruh bad mynta kala dep ban iaid hynriew bnai lynter bad kaba sah mynta ka long sa tang hynriew bnai.
Na ka liang jong kine ki Jugali kiba la pass ki kynnoh ba kane baroh I mat ka dei tang ka buit ban pynbiej da ka MeECL ha dien ba la dawa bun bun bnai ba ka MeECL ka sa pynmih ia kane ka list. Na ka liang jong ki samla kiba la pass ia kane ka kam Jugali ki kyrpad ia ka MeECL b aka dei ban sam noh ia ki shithi thung kam.
Kine ki samla kila ong ba lad aka MeECL kam lah ban thung kam noh kin pynlong ia ka jingikhih ban dawa ia ka hok ka jong ki la kyntu ia baroh kiba la don ha ka list ba kin ia poi khnang ha ka jingialang kaban long ha ka 16 tarik mynta u bnai ban ia kren kren ia kane ka kam la ong u Bah J K Shangpliang nongkhot ia kane ka jingialang.
