Shillong, Rumphang 20: U MLA jong ka Rambrai u Bah Kimfa Marbaniang mynta ka sngi u la leit hi da lade sha shnong Umwali kaba don ha Langpih kaba ki pulit jong ka jylla Assam ki thmu ban wan shna ia ka Police Out post ha katei ka jaka kaba hap hapoh jong ka West Khasi Hills District.
Haba kren ha u SP News Agency lyngba ka phone u bah Kimfa ula iathuh ba mynta ka sngi u la hiar hi da lade sha katei ka shnong ban peit ia ka jingjia ha katei ka shnong Umwali namar ba ka dang hap hapoh jong ka Rambrai Konstitwensi.
Na ka liang jong u Superintendent jong ki pulit jong ka West Khasi Hills District u la leit hi da la de sha katei ka jaka ban peit ba kan nym mih kano kano ka jingjia ba sngewsih.
Ban shu kdew ba ha u snem 2010 kala don ka jingiateh kular ha pdeng ka sorkar Assam bad Meghalaya ba lada don kano kano ka jingtrei ha khappud ha ki jaka kiba don ka jingiakam markylliang dei ban da ia pyntip.
