Shillong, Naitung 06: U bah Metbah Lyngdoh MLA jong ka Mariang ba dei ruh u Lamphang ka iing dorbar thawain ka jylla mynta ka sngi u la pynpaw ia ka jingsngewnguh ia u myntri rangbah ka jylla u Cornad K Sangma u ba la pynbna ban kyntiew ia ka Mairang Civil Sub Division sha ka District kaba thymmai.
Haba kren ha ki lat pathai khubor u bah Metbah u la ong ba ia kane ka jingpynbna ban kyntiew ia ka Mairang Civil Sub Division sha ka District la pynbna da u myntri rangbah u Cornad ha ka jingialang paidbah ha Mawnai ha ka 31th Lber 2021, hynrei na kane ka khangdam la pynslem.
Ka long kaba sngew tynnad ba u myntri rangbah u la pynbna biang ba ia kane ka District thymmai yn plie shuwa ban rakhe ia ka sngi laitluid jong ka Ri India, na ka liang jong u kum u MLA katei ka thain bad ki paidbah ki dap da ka jingkmen halor kane.
Haba jubab ia ki jingkylli na ka liang ong Lamphang ka iing dorbar u la ong ba kane jingpynkhreh kala iaid sha bad ia ka kyrteng haduh mynta kim pat jiet bad kane ka dang iaid ha ka jingia pynbeit.
Haba ia dei bad ka jingdawa District ia ka Sohra, u bah Metbah u la ong ba ynsa ia kren bad bad u myntri rangbah ka jylla ban wat jingtip balei ym shym la lah ban pynbna lang ha kane ka juh ka por, ynda la ia kynduh un sa kylli ban ioh ia ka jingshai.
