Shillong, Iaiong 04: U bah Lambokstar Marngar U ba long u president rangbah ka seng Khasi Student Union (KSU) ula ong ba ha kane ka sngi ka seng ka la dep ban ai jingmut sha ki MLA bad sha ka sorkar, halor ba dei ban iakren na ka bynta ban pyntreikam ia ka Roster System, ym naduh u snem 1972 hynrei dei ban sdang beit naduh ka sngi ba la mynjur ia ka Roster System.
U bah lambok haba ioh ban iakren bad ki lad pathai khubor u la ong ‘Lada khyllie bad lada pyntriekam iaka Roster System naduh u snem 1972, ka jingduh nong kaba khraw kan dei hi ia ki khun samla na rilum Khasi-Jaintia bad dei namar kane ka seng ka dawa naka sorkar ban pyntreikam beit ia ka Roster System naduh ki sngi ba la ioh ka jingmynjur na ka kynhun myntri sorkar’
U bah Lambok ula ong ba ki paidbah ka jylla kim dei ban sngewthuh bakla ba ka KSU ka sngap jar halor kane ka mat hynrei na ka liang ka seng naduh ki sngi ba la mih kane ka mat ka la dep ban iakren bad ki riew pawkhmat bad ki nongthaw ain halor jong kane.
U la ong ym pat lah ban iathuh kaei ka lynti iaid jong ka KSU halor kane ka Roster System hynrei ka KSU ka la iaid na ka bynta ka jingbha bad ka jingmyntoi ki khun samla Khasi-Jaintia.
Shuh shuh ula ong kane ka jingpyrshah ia ka jingpyntreikam ia ka Roster System naduh u snem 1972 kam dei ka mat tang jong ka KSU hynrei ka dei ka mat jong baroh namar ka dei ka kam iap kam im jong ka jatbynriew hi baroh kawei.
ym dei ban shu ia shim rai kyrkieh ia kane kam hynrei dei ban da peit da it bha shuwa ki lad lynti kumno ban ai jingmut iaka sorkar hynrei ka KSU ka kwah ban kren shai ba ki paidbah ka jylla ki la jied ia ki nongthaw aiñ jongki, u la buh jingkylli ‘hato kam dei mo ka kamram jong ki ban pyrkhat bha halor kane ka kam.
U bah Lambokstarwell Marngar u la ong, ka seng ka la dep ban pynsngew sha ki nongmihkhmat halor ka Roster System bad lada ki nongmihkhmat ki rai bakla halor kane, ki nongmihkhmat kin hap bah khlieh lada wan mih kano kano ka kynrum kynram ka ban ktah ia ka shong suk shong shngain ha ka jylla.
