Shillong, Risaw 12: U myntri ba dei peit ia ka tnad shna surok jong ka jylla u Martin M Danggo, ryngkat bad ki ophisar jong kane ka tnad sorkar kila leit banjurip ia ka surok Shillong-Nongstoin-Tura, bad ki la sdang na Rangskhen sha duh Williamnagar ha East GaroHills.
Na ka liang jong u myntri u la leit hi da lade ban jngoh ia kane ka surok ka long namar b aka sorkar ka kwah ban pyndep noh kloi khnang ba ki paidbah kin suk ha ka leit ka wan na Tura sha Shillong bad kumjuh na Shillong sha Tura, ym ba ki paidbah kin dang hap ban leit na Assam kumba long baroh shikatta.
Na ka liang jong u myntri u la pynpaw ia ka jingsngew kmen ban iohi ba ia kane ka jingtrei mynta la lah ban pyndep haduh 90% bad kaba sah ka dei sa tang na Sohiong sha Lad Mawreng, ia kane ruh yn pyndep noh hapoh jong u bnai Lber 2017, ia kane ka surok hi baroh kawei kaba jrong haduh 264.3 km na Shillong sha Tura yn pyndep ha u tei u bnai Lber 2017, u la ban biang.
Ka jinglut na ka bynta kane ka surok ha kaba mang pisa nyngkong ha u snem 2011 ka long T.1494 klur tyngka, hynrei ha dien ba la peit bniah biang ha kaba ia dei bad ka jinglut jingsep kan kot sha ka T.2023 klur tyngka kynthup ia ka bai shim khyndew ruh.
Ia kane ka surok la shna da ka company BSC-C&C JV kaba na Hynderabad, kala sdang ia ka jingtrei ha u snem 2011 bad kala dei banpyndep ha u snem 2014 jong u bnai Lber hynrei na kid aw kiba ym lah ban kiar la ailad ia kane ka company ban pyndep ha u bnai Lber 2017 jongu bnai Lber.
Ka jingeh kaba ia kynduh ha kaba ia dei bad kane ka surok ka long ha kaba ia dei bad ki jaka bad ka By-Pass na Sohiong sha Lad Mawreng. Ka jingpyndep ia kane ka surok ha u bnai Lber 2017 ruh kan long tqng ha Lad Mawreng shuwa.
