Shillong, Naitung 14: Ia ki kali kiba leit sha Lower Assam, Mizoram bad Tripura kiba dei iaid lyngba ka jylla Meghalaya la shah ia ki ba kin iaid beit na Umling namar kine ki kali kim dei kiba hiar ha Meghalaya.
Ki kali kiba leit sha Lower Assam, Tripura bad Mizoram, kin shu hap ban pynshisha ba ka jingiaid jong ki kali kan long kumba kila iathuh ja katei ka jaka rung kaba don ha Umling ha Ri Bhoi District.
Ka kong R M Kurbah Depuy Commissioner jong ka Ri Bhoi District kala iathuh ba ia ki kali kiba leit sha Lower Assam, Mizoram bad Tripura la shah ia ki ba kin iaid namar ba ki shu dei iaid lyngba ka jylla Meghalaya.
Katba ia ki kali ba rung hapoh ka jylla Meghalaya kiba wan ki hap ban iaid lyngba ia ki jingtest katkum ki kyndon kiba la buh da ka tnad ka koit ka khiah jong ka sorkar Meghalaya.
