Shillong, Nohprah 22: Kan long ka sien kaba nyngkong ha ka khana pateng jong ka KHADC ba mynta ka sngi la pynlong ia ka jinglehkmen Khristmas ha phyllaw jong ka ophisa ia kaba la pynlong da u CEM u bah Pyniaid Sing Syiem kaba la wan ban ia don lang da u myntri rangbah ka jylla u Conrad K Sangma.
Ha kane ka jingleh kmen Khristmas, ha dien ba ki MDC bad ki nongtrei kila dep na ka jingbun kam ba ka dei ka sngi kut jong ka jingiashong dorbar tlang, kila ia don lang baroh ban ia leh kmen ba rakhe ia ka jingkynmaw burom ia ka sngi khai u trai Jisu ha kane ka sla pyrthei.
Ha ka jingkren kaba lyngkot ha kane ka sngi u myntri rangbah ka jylla u Conrad K Sangma u la ong ba ka sorkar ka kala kut jingmut ban dang iai bteng ban kyrshan ia ki District Council ha ka jylla.
Ha kane ka sngi leh kmen la ioh ia ka jingrwai na ki para MDC, haka jingiadon lang jong baroh ki nongtrei bad kum juh ki ba dei na ka ophis ka kashari jong ka District Council bad kim juh ruh la rwai na ki nongtrei ka ia ki jingrwai khristmas kaba la pynlong ia baroh ba kin ia kmen ia sngewbha lang.
Ha kane ka sngi la rwai ia ki jingrwai kiba sngew shongkun kiba dei na ki jignrwai phareng bad kum juh ki jingrwai khasi na ki nongrwai bapher bapher, ha kane ka sngi la ioh ruh ia ka jingrwai na u CEM bad kiwei ki para MDC bad la pynkut ia ka jingleh kmen na ka jingrwai u Bah Bindo M Lanong kaba la u tem bad rwai ia ka jingrwai Khristmas da ka jingrwai Khasi.
