Jowai, Nailar 04: Ka Khasi Students Union Nangbah Unit ha ka sien kaba nyngkong da ka jing trei shitom jong baroh ki dkhot jong ka Unit jong ka seng ngi la ioh ban pynlong ia ka Random Testing Programme mynta ka sngi 04.08.2020,ka seng da ka mynsiem kaba sngewkhia ia ki para nongshong shnong jong ngi bad ngi la lah ban pynlong ia kane ka Programme kaba jop kum shi bynta ban iada na ka jingpur sted jong u khniang jingpang COVID-19.
Ka seng ka pynpaw ia ka jing sngewnguh naduh ka District Medical and Health Officer West Jaintia Hills District Jowai ba lyngba jong kane ka ophis ngi la lah ka la pynlong ia kane ka Random Testing programme kaba iaid beit bad kaba ai jingiarap shibun ia ngi kum ka seng bad khmatam ia ki katto katne ngut kiba la ioh lad ban ia shim bynta sha kane ka programme.
ka seng ka pynpaw ruh ia ka jing khublei ba kyrpang ia u ma T. Iongwai Waheh Shnong Dorbar Nangbah u ba la don ryngkat bad ngi ha kane ka sngi naduh ba sdang kane ka programme tad haduh ban da wai.Ka jingsngewnguh kaba kyrpang kum ka seng ngi pynpaw ka jing khublei ia u Dr. N. Momin u ba peit ia ka PHC Nangbah ha ryngkat bad ki staff jong katei ka PHC kiba la mih shakhmat ban shim ia ka jingkitkhlieh na ka bynta ban leh ia katei ka Test sha kitei ki nongshnong kym ka dak ban iada na ka jingsaphriang jong u tei u khniang jingpang.
Ka seng ka ai khublei kyrpang khamtam sha baroh kitei ki para nongshong shnong jong ngi baroh kiba la mih sha khmat ban ia shim bynta sha kane ka test kum ka dak ban ia trei lang na ka bynta ban iada na u ne u khniang jingpang. Ka seng ka ai ka jingiaroh ia baroh kitei ki para nongshong shnong kiba la mih sha khmat kiba long kum ka nuksa ia ki wei nangne shakhmat. Ka seng ka pynpaw bad kyrmen ba kan ioh lad biang ban leh biang ia kaba kum kane ka jait programme na ka bynta ka jingmyntoi jong u paitbah.
