Shillong, Naiwieng 07: Mynta ka sngi ka ladon ka jingiakynduh lang ha pdeng ka party UDP bad ka HSPDP ban ia kren kumno ban pynkhlain ia ka jingiatrelang hapdeng ki seng riewlum ia ka jingialang la pynlong ka ophis jong ka party UDP.
Haba kren ha ki lat pathai khubor ha dien ka jngialang u bah Metbah Lyngdoh la ong ba kane ka jingiakren lang ka long ban pynkhlain ia ki seng riewlum bad kila pynthymmai ia ka jingiatreilang ha ka dur jong ka Regional Democratic Alliance (RDA).
Ha kane ka jingialang mynta ka sngi la jied ia ki nongkit kam ka RDA, ha kaba u President ka UDP bah Metbah la shajied kum u Shongknor, u President ka HSPDP u bah K P Pangniang la shajied kum u Secretary, u bah M N Mukhim kum Co-Chairman bad u bah Titosstarwell kum u Assistant Secretary.
Haba juba ia ki jingkylli u Bah KP Pangniang la ong ba ha kane ka jngialang kaba la long mynta ka sngi kim shym la ia kren ei ei sha phang ka MP elekshon namar kane ka jingialang kaba long mynta ka dei ka jingbteng ia kaei kaba kila ia kren ha kine ki bnai bla dep ban jied ia ki nongkit kam mynta ka sngi.
