Shillong, Lber 27: Ka kynhun shipai Border Security Force (BSF) kala pynlong ia ka prokram ban ialam ia ki samla pule jong ka Commerce Government Collage Shillong sha khappud bad ka Bangladesh ban sngewthuh ia ka jingtrei kam jong ki BSF.
Ia ki samla pule katei ka Kolej la ialam da ka kynhun shipai 193 Battalion jong ki BSF sha ka Barmanbari Border Out Post ha East Khasi Hills District jan Dangar ha ka jingiadonlang ki nonghikai, ha kane ka jingleit la pynshai sha ki samla pule ia ka jingtreikam jong ki.
U Commandant jong ka kynhun shipai 193 Battalion jong ki BSF y Rajiv Kumar lem bad kiwei ki heh shipai BSF kila batai bniah ia ka jingtreikam jong ki shipai BSF ha khappud bad ia ka jingkut jingmut jong ki ban iada ia u pud u sam jong ka Ri.
Na ka liang jong ki BSF kila pyni ruh ia ki samla pule ia ki tiar siat kaba ki BSF ki pyndonkam kum ka kynhun shipai kaba nongkyngkong ban iada ia u pud u sam jong ka Ri lada jia ba ka mih kano kano ka jingeh ha khappud bad ka Bangladesh.
Ha kane ka sngi la batai ruh ia ka jingtreikam jong ka Border Haat Balat ha kaba la ialam ia ki samla pule sha katei ka Iew kaba ka don ka jingiadei ia thied hapdeng ki briew na Bangladesh bad na India, na ka liang ki samla pule kila pynpaw ia ka jignsngewhun iakane ka jingioh ka lat ban poi sha khappud.
