Shillong, Nohprah 22: Ka seng Kynthei jong ka party BJP mynta ka sngi kala leit ban ia don lang bad ban rakhe ia ka Khristmas bad ki khunswet kiba don ha God’s Dream Home kaba don ha Pynthorbah Shillong.
Ha kane ka jingiakynduh bad ki khun swet la don lang u bah A L Hek myntri ka sorkar jylla, u nongai ktien ka seng u bah M Kharkrang, ha kane ka jinglehkam la ioh ia ka jingduwai na u Pastor Croslin Marbaniang ha ka jingiadon lang bun kiwei ki nongkit kam ka party BJP.
Ha kane ka sngi kala don ka jingshad ban ialeh kmen Khristmas na ki khynnah kiba don ha kane ka jaka ri khunswet, ha kane ka sngi la ai ruh ia ki jingai sngewbha ha kane ka por Khrsitmas ia ki khynnah kiba don ha kane ka jaka.
