The Prime Minister, Shri Narendra Modi greeting the President, Shri Ram Nath Kovind, on his Birthday, at Rashtrapati Bhavan, in New Delhi on October 01, 2019.
New Delhi, Risaw 06: Ka kynhun seng riewniam jong ka Holy Family kala pynpaw ia ka jingsngewnguh kaba khraw ia u myntri rangbah duh jong ka Ri India u Narendra Modi u ba la ai ka jingiaroh halor ka jingshah pynkyntang riew khuid ia ka sister Bl. Mother Mariam Thresia ia kane u myntri rangbah duh jong ka ri u la pynpaw ha ka programme ‘Mann Ki Baat’.
Ka sister Udaya CHF, ka khliehduh jong kane ka kynhun sengirew niam Holy Family kala ong ba ka shim ia kane ka kabu ban ai khublei kyrpang ia u myntri rangbah duh jong ka Ri India ia ka jingiaroh ka jong u halor ka jingshah pynkyntang riew khuid ia ka sister Bl. Mother Mariam Thresia.
Ka Sister Udaya kala ong ba ka sister Bl. Mother Mariam Thresia ka dei ka briew ba don ia ka thong bad kala pyndep ia ki jingthmu ki jong ka hapdeng ki jingeh kiba khraw kiba ka ia kynduh ha ka jingim, ha ka ‘Mann Ki Baat’ u myntri rangbah u la pynpaw shai kdar ia ka jingiaroh ka jong u ia kane ka sisiter kaban sa pynbna paidbah ba ka dei ka riewkhuid na kane ka Ri.
Ka khliedhuh jong ka kynhun riew niam Holy Family kala ong ba kane ka jingiaroh kaba u myntri rangbah duh jong ka Ri u la ai ka jingiaroh kala ktah shisha ia baroh ki sister kiba don ha kane ka kynhun riew niam da ka jingkmen kaba khraw, ia kane la pynpaw ha ka shithi kaba la phah sha u myntri rangbah duh jong ka Ri India.
Haka jingkren jong u myntri rangbah duh jong ka Ri kaba shisien shibnai ‘Mann Ki Baat’ u myntri rangbah duh jong ka Ri India u la kren shai ba u pynpaw ia ka jingkmen jong u halor ka jingshah pynkyntang riew khuid ia ka Mariam Thresia bad kane ka long ka jingsarong ia ki paidbah nongshong shnong jong ka Ri India ia kaba yn sa pynkyntang ha ka 13 tarik mynta u bnai da u kpa bakhuid u Pope Francis.
U myntri rangbah duh jong ka Ri India u la ong ba u ai ka burom sha ka sister Mariam Thresia bad ia ka burom sha ki paidbah nongshong shnong jong ka Ri India bad kyrpang ia ki paidbah khristan na ka bynta kane ka jingjop kaba khraw.
