Shillong, Naitung 19:Ka JSU war Jaintia circle ha ka 19 july 2020 ka la ioh bat ia ki mar ba shalan tuh na Bangladesh bad ba la thmu ban pynrung sha ki jaka iew ha India.
Ka seng ha ka jingialam u President u Eddy Kery Pohtam bad u Dewan Bareh ka la lap ia ki 50byrni ki supari harud wah Lakroh hajan ka shnong Lakroh kaba don hajan ka Shnong Muktapur. Kumta ka seng ka lah buh da ka jingujor FIR sha ka thanat jong ka Muktapur police outpost ha kajuh ka sngi bad ruh ki bor pulit ki la kurup noh mar mar ia kine.
Ka seng ka la pynpaw ka jingpyrshah jur ia ka jingkhaii beain ha ka khappud India Bangladesh khamtam ha ki ne ki por ba don ka jingpang COVID-19. Ka seng ka la ban jur ba kane ka jingkhaii ka dang iaid bha shaid shi shaid bad ka pynpaw ba ka dang don kata ka jingiakynduh hapdeng ki nongkhaii beain ba na India bad Bangladesh.
Ka pynyi ruh ba kine ki nongkahii ba kim khein snep ia ka jingud bad jingpyrshah ki nongshong shnong ka thain Ri War Jaintia kiba dang pyrshah jur ia kane ka jingiakhaii bad ruh ka buh ka jingma ia u paidbah na kane ka jingpang.
Ka seng ka lah pynpaw ruh ba kan nym myntoi ia ngi ban ialeh bad kane ka khlam da ki lad bapher bapher kum ki lockdown, lane da kaba khang ia ka export import lyngba ka Land Custom ha Tamabil khlem da lah ban tehlakam ia kane ka khaii beain ryngkat ka jingpyrkhing kaba jur ha ki thain khappud.
Ka seng ka kyrpad jur ba na ka liang ki BSF, ki Pulit bad ki bor shnong ban pahara jur. Ka seng ka ban jur ruh ba ka jingiakhaii beain kan ym long kaba suk lada khlain ka jingpyrkhing jur da ki Pulit bad ki shnong ha ki lad lad bad lynti bapher bapher naduh na ki khappud, ka lynti naduh na Muktapur ne Dawki bad kiwei kiwei shaduh sha Amlarem, Jowai lane Shillong lane ha kino kino ki jaka ba don ki bor pulit.
K
umta ka seng ka la pynrem jur iakane ka jingleh ki nongkhaii beain ki bym khein snep ia ka iap ka im ka jaitbynriew ha kum kane ka por.
