Shillong, Naitung 22: Ka KSU jong ka Narpuh ka buh ka jingkylli hato ka tnad talasi ia ki briew ba wan na sha bar jylla ki leh aiu haba ki briew na Bangladesh kila ioh ban rung sha kane ka jylla la kynnoh ka KSU.
Ka shnat jong ka KSU Tongseng Narpuh Unit ryngkat bad KSU Narpuh Circle mynta ka sngi ki la ioh bat ia ka kali Sumo ba don u No. AS24C 2140 kaba kit haduh 7 ngut ki briew bad la kam ba ki dei na Bangladeshi 4 ngut ki shynrang bad 3 ki kynthei.
Ia kane ka sumo la ioh bat ha ka Shnong Tongseng Narpuh hadien ba U bah KS Suchiang General Secretary KSU EJHDU bad u bah Phanuel Tongper Vice President Narpuh Circle ki la ioh jingtip na ki Nong Ñiah Sumo Tourist ba kit ia ki briew bala suba ba kid ei ki briew na Bangladesh.
ki Khar Bangla mar mar ki la pyntip sha ki dkhot ka KSU Tongseng Narpuh unit bad Da ka jingtrei shitom ki dkhot la ioh ban bat noh ia katei ka sumo. Ia kitei ki 7 ngut ki Khar Bangla Ka seng ka la aiti ha police station Lumshnong ban leh katkum ki kyndon aiñ.
Ka seng ka pynpaw ka jingsngew diaw ba kumno kine ki Khar Bangla ki ioh ban rung katba ki mon, ka tnat infiltration kaba la buh khnang ban Talasi ia ki Briew kiba rung sha ka Jylla ki leh aiu hato kim trei hok mo la ka kamram kumba la Bynshet ha ki.
Lada kim lah ban teh la kam ia kane ka jingrung tuh ki mynder Bangladeshi Ka jingma ba khraw ia ka jylla bad ia ri baroh kawei. Dei halor kane ka nongrim ba ka KSU na ka por sha ka la dawa ban pyntreikam ki aiñ ba khlaiñ kum ka Inner line permit (ILP) ban shngaiñ ka jaidbynriew, kane ka Kyrwoh la phah na u Samla Mihsalan Truh Publicity Secretary KSU Narpuh Circle.
