Shillong, Naitun
g 24: Ka KSU ka la ioh ban pynskhem ia kawei ka Unit ba thymmai ia kaba la tip kum ka KSU Photjaud Rangthong Unit. Kane ka Unit kan hap hapoh ka KSU Mawkyrwat Circle bad ka KSU South West Khasi Hills District.
Ia kane ka Unit ba dang shu pynkha thymmai la sakhi da Ka jingiadon ryngkat jong u Samla Redyonstone Nongrum Education Secretary, KSU Sengkmie , U Samla Pynshai Rani u Assistant Education Secretary, KSU Sengkmie, U Samla Forwardman Nongrem President, KSU South West Khasi Hills District, u Samla Shiningstar Kharbihkhiew (Vice President, KSU unit), ki Nongialam Ka KSU South West Khasi Hills District, Mawkyrwat Circle, Tyrsad Circle bad kiwei kiwei nalor ki longkmie jongka shnong Photjaud Rangthong.
Ia ka jingialang la pyniaid da u Samla Forwardman Nongrem, KSU KSU SWKHD. La ioh ruh iaka jingkren kyntu kynpham bad ai mynsiem na Ka liang ki Nongialam Ka KSU Mawkyrwat Circle, KSU SWKHD bad kiwei. Haba kren haka jingialang naka liang jong u Samla Pynshai Rani u la kyntu ia kine ki Samla ba kim dei ban tieng ne syier hynrei ki dei ban iaineh haka nongrim jongka Jaitbynriew bad ka jingshisha Kumba ka seng ka ju ieng.
Ka Seng ka ju kren iaka jingshisha la ka long haba iadei bad ki policy jongka sorkar, ki issue jongka Jaitbynriew ne haba ia dei bad ki kam bamsap bampong bad kiwei kiwei la ong u Samla Pynshai Rani. La ioh ruh ia Ka jingpyntian smai iaki Nongialam kane ka Unit da u Samla Redyonstone Nongrum, Education Secretary KSU Sengkmie ha kaba u la bynrap ruh ba kum ki dkhot jongka Seng ban shakri iaka Jaitbynriew Shibun ki jingeh ngin mad hynrei ngi dei ban long lypa kiba la pynkhreh khnang ban pynthikna ba ka Jaitbynriew kan im.
Ki Nongkitkam jongka KSU Photjaud Rangthong Unit ki long , u samla Everwell Robin Thongni u la shah jied kum u president, Vice President u samla Kelvin Thongni, General Secretary, u samla Shiningstar Lyngdoh, Asst. Secretary u samla Ricky S. Iawphniaw la kane ka sngi la buh ruh sa khatwei ngut kiwei ki nongkit kam jong ka seng.
