Maligaon, Lber 19: Ka kynhun pulit jong ka Railway Protection Force (RPF) jong ka N.F. Railway kala ioh kem 3 ngut ki Rohingyas ha ka 17/Lber/ 2024 na Railway Station ha Agartala, ia kila ioh kem kat ba ki dang iaid pahara katei ka station rel.
Haba la tohkit kim shym la lah ban pyniia ki kot ki sla kiba biang, ha pdeng ka jingtohkit kila phla ba ki la rung beain sha India da ka jingthmu ban phet na Agartala da ka rel hynrei kila shah kem noh ha ki pulit.
Ha u snem 2023-2024 la ioh ban kem 340 ngut ki Rohingyas bad ki Bangladeshi na khappud, na ka liang jong ki RPF bad ki shipai ki juh iaid pahara ban peit ba ki briew kiba na bar ri kim dei ban ioh rung sha India.
