Shillong, Lber 05: Ka ilekshon ban jied ia u Chief Executive Member jong ka Garo Hills Autonomous District Council (GHADC) kala long mynta ka sngi ha kaba u kyrtong ka NPP u Albinush R Marak u la jop pyrshah ia u kyrtong ka AITC u Dhormonath.bun
Ha kane ka jingiathep vote kaba la long mynta ka sngi u kyrtong ka NPP u la ioh 17 bad u kyrtong ka liang pyrshah u la ioh 12 vote ha ka iing dorbar ba 30 ngut, namar ba la jop u shongknor u khlem vote shuh ha kane ka jingiathep vote.
U Albinush R Marak u la long u CEM ba thymmai jong ka GHADC na ka party NPP, na ka liang jong u myntri rangbah ka jylla u Conrad K Sangma nongialam ka party u la ai khublei kyrpang ia u CEM ba thymmai bad la ong ba kane kan long ka jingbha na ka bynta ki paidbah ka jaid bynriew Garo.
Ha ka iing dorbar kaba 30 ngut ki MDC kiba kyrshan ia ka party NPP ki don 18 ngut kyntup ia u MDC jong ka GNC, da kane ka jingjied thymmai ia u CEM jong ka GHADC kala pynkut ia ka jingiakhih ki paidbah ha Garo Hills.
