Shillong, Jylliew 16: Ka seng JSU hadien ba ka lah kynduh ia u DC bad ki lah ioh iaka jingpynshai ba kadei ka Meghalaya Pollution Control Board kaba ai bor da ka jingthoh ban pynioh Environmental Clearance iaka Star Cement na ka MoEF&CC.
Ka seng JSU hadien ba ka lah wad bniah bha ka lap bad shem ba dei lyngba u Member Secretary ka Meghalaya State Pollution Control Board ba ai bor da ka jingthoh sha ka Ministry of Environment,Forest & Climate Change ban (MoEF&CC) pynioh iaka Environmental Clearance ia ka Star Cement.
Ka seng hadien ka lah buh por hapoh 24 kynta ban pynshai u DC ka East Jaintia Hills District ba ka shithi kaba lah thoh da u Memeber Secretary kadei ha ka 3 tarik u March,2020 sha ka MoEF&CC bad sha u DC ka East Jaintia Hills District bad ha kane ka shithi lah thoh shai ba ka lah don ka jingpulom ka Public hearing lah ar sien arwat.
U heh ka MSPCB u lah kyrpad ban iaid lait noh na ka Public Hearing na ka MoEF&CC bad pynrung ne ban pyndonkam noh da ka para 7(i) stage 3 clause (v) jong EIA 2006 ban ai lad iaka Star Cement ban ioh suk iaka Environmental Clearance khlem da donkam shuh ban pynlong jingpynsgew paidbah lane ka Public Hearing ban tih suk ia u mawshun na Bricyrnot haka jaka kaba don ymduna iaka 42.O51 hectar ka jingheh.
Ka seng ka buh jingkylli ia u Myntri Rangbah ba kumno um lah ban pynshai hok shaki paidbah ba ka sorkar ka donkti ban ai bor lyngba ka MSPCB iaka Star Cement ban ioh EC na ka MoEF&CC na Delhi.
Ka seng ka pynpaw iaka jingbitar ba ka sorkar jylla ka lah leh donbor ban iuh roit iaka sur u paidbah bad iaka hok long trai khyndew jong ngi kum ka jaidbynriew ba kyrpang.
Ka seng kam lah ban sngap jar halor kane ka mat namar ka long pyrshah iaka hok long trai kyndew bad iuh roit iaka iktiar ba lah pynkham ti ha ngi lyngba ka 6 schedule jong ka Autonomous District Council.
Ka seng ka lah buh jingkylli iaka JHADC ba kumno ki sngap jar halor kane la phang bad kumno ka shnong Brichyrnot ka ioh bor ban ai NOC khlem da ioh bor na ka JHADC.
