Shillong, Risaw 20: Mynta ka sngi ha ka por kumba 10.20 baje mynstep kawei ka kali Bus saw jong ka sorkar kaba don ia u number ML01-6855 ia kaba la niah da u Bah Khrawborlang Pyngrope kala don jingthud kynsan bad kala liet ban synrat ia san tylli kiwei pat ki kali kamai ha katei ka surok ha Mawblei.
Ha kane ka jingjia u bah Erik Kharkongor u nongniah jong ka Taxi kaba la julor bha u la mynsaw jur bad la pynkit ia u mar mar sha Civil Hospital Shillong ban phah sumar. Ki kali kiba la shah synrat ha kane ka jingiaba sngewsih kiba la duh ki long haduh san tylli lai tylli ki dei ki Local Taxi bad ar tylli ki Toursit Taxi.
Na ka liang jong ki pulit jong ka tnad pyniaid kali jong ka Madanrting Police station, kila ong ba kane ka jingjia ka dei na ka daw ba kala don ka jingthud kynsan katei ka kali Bus saw jong ka sorkar bad kala leit ban synrat ia ki kali kiba don ha khmat jong kane ka Bus bad baroh ki kali kiba lajulor ki don hynriew tylli kynthup ia ka Bus.
