Shillong, Nailur 20: ka All Meghalaya Dancers Association (AMDA) kan pynlong ia ka jingiakop shad ha Mairang ha ka 24 tarik mynta u bnai, bad kum kane ka jingshad ka seng kan pynlong ha baroh ki bynta jong ka Khasi bad Jaintia Hills bad ia kane ki jingiakop shad kin pyndep shuwa ba ka jingiakop shad India Got Talent kan sdang ha snem ban wan.
Ha kane ka jingiakop shad kin jied 15 ngut ki nongiashim bynta na kawei kawei ka district ba kin ioh rung ha ka “Meghalaya Who Got Talent” ka ban long ha u bnai kyllalyngkot 2017, ha kane ka jingiakop ki ban poi sha ka jingiakop shad ha ka jylla pat kan long tang lai ngut, katba iaki 12 ngut kiweipat ynjied daka jingiakop shad na ki nongwan ia shim bynta.
La ong ba ia ki video jong kito kiba shah jied ban ia khun sh aka Meghalaya Who Got Talent yn phah sha ka India Got Talents, ia kane ka juk ka jingiakop shad la dep ban pynlong ha Ri Bhoi District.Haba jubab ia ki jingkylli la kin leit ne em ban pynlong ia kum kine ki jingiakop shad sha Garo Hills, u Bah Kit president jong ka seng u la ong ba lada don ki nongmih khmat kiba khot ki kloi ban leit.
Ka seng kala juh pynlong ia kum kine ki jingiakop shad mynta la bun bun snem hynrei na ka liang jong ka sorkar haduh mynta kam pat ithuh, ka sorkar ha ka jaka ba kan ai ar klur sha ka Rock on kala dei ban iarap ia kine kiba pynlong ia kum kine ki jingiakop shad ban kyntiew ia ki.
La ong ba ia ki nongjop ha ki jingiakop shad ha ki District ka jingai khusnam kan long laiphew hajar tyngka bad ia kiba jop ia ka Meghalaya who got talent kin ioh ia ka khusnam shi lak tyngka.
