Shillong, Naitung 05: U General secretary jong ka All India Congress Committee (AICC) u ba dei peit ia ka jylla Meghalaya u Dr CP Joshi u la ong ba ka seng Bharatiya Janata Party (BJP) kan nym lah ban pynkhyllem ia ka sorkar ha Meghalaya kumba kala leh ha ka jylla Arunachal Pradesh.
Haba kren ha ki nongthoh khubor ha dien jong ka jingialang bad ki nongkit kam jong ka seng Congress, u la ong bay m don jingtip ei ei ruh em ba ka don kata ka jingiakhih ban bujli nongialam hapoh ka seng Congress, hynrei u la kynnoh kylla ia ki nongthoh khubor ba dei ki lad pathai khubor kiba la pynshit , u la ong ba kam shym don kano kano ka jingiakren halor ka phang ban bujli nongialam.
Haba jubab ia ki jingkylli u tei u nongialam jong ka AICC u la ong bay m don jingtip ei ei ruh em ba ka don kata ka jingiakynad hapoh jong ka seng Congress, hynrei kane ka jingwan jong u ka long ban pynkhreh ia ka elelction kaban long ha u snem 2018 bad u don ka jingkyrmen ba ka seng congress kan dang lah ban thaw ia ka sorkar.
Halor ka jingkylli ha kaba ia dei bad u chief Executive member jong ka KHADC, u Bah PN Syiem ba u khlem poi sha kane ka jingialang , u along ba kam don kano kano ka jingeh , ka party ka iaid beit , hynrei ha ka iing kaba heh ka don ka jingbym ia hun.
Katba na ka liang jong u Bah DD Lapang u la ong ba ka don kata ka jingiapher jingmut hapoh ka seng bad ia kane ki la dep ban rah sha u Genenral Secretary ba mynshuwa u Narayan Sawamy, ha ka juh ka por u la ong ba ka seng Congress ka dei ka party kaba heh ka juh don kata ka jingiapher jingmut hynrei kilah ban ia pynbeit hapoh jong ka party.
