Shillong, Risaw 20: U president jong ka seng Ka East jaintia Mineral Supplier export import association u bah Wanshuwa Nongtdu u la leit ban ia kynduh ia ki myntri sorkar bad kum juh ia ki ophisar ban pynsngew sha ka sorkar ba ka East Jaintia Hills District kala don kam ban don noh ia ka ophis jong u District Forest Officer.
U bah Wanshuwa mynta ka sngi u la leit ban ia kynduh ia u Secretary ba dei peit ia ka tnad khlaw u Dr Manjunatha ha kane ka jingiakynduh na ka liang jong u ophisar u la sngewkmen shibun ban ioh pdiang kum kine ki jingpynsngew na ki paidbah.
Ha kane ka jingiakynduh u la ai ka jingkular ruh ba un ia lehkat ba lah ban pyndep ia ka jingkwah jong ki paidbah jong ka tei ka District,namar ka tei ka district ka la biang pura ban ioh ia ka tei ka ophis District Forest officer.
Ban pynthikna ba ka ophis jong u DFO ka dei ban don ha Khliehriat u President ka Ka East jaintia Mineral Supplier Export Import Association u la ioh ruh ban ia kynduh ia u Minister Social welfare department, revenue Disaster management Department Mr Kyrmen shylla.
Ha kane ka jingiakynduh na ka liang jong u myntri u ba dei ruh u MLA na katei ka District u la ai ka jingkular ba un bud dien ia kane ka jingkwah ki paidbah ban don ia ka ophis jong u DFO hapoh East Jaintia Hills District na ka bynta ban pynsuk ia ki paidbah ka District.
U bah Wanshuwa Nongtdu u don ka jingkyrmen ba kane ka sorkar kaba la lam khmat da ka NPP kan sa pynurlong ia ka jingkwah ki paidbah ka East Jaintia Hills District namar ia mynta kiba don kam katei ka ophis ki hap ban wan sha West Jaintia Hills District.
