Jowai, Nailar 12: Ka Jaintia Youth Federation (Sengkmie) kan pynlong ia ka election na ka bynta ban iajied nongkitkam ha ka 16 tarik une u bnai ha Ophis treikam jong ka kaba don ha Newhill Jowai.
Ka JYF dang shen ka la thung ia ka Board of Election kaba khlieh da u Founder President ka Seng u ma LD Lakiang bad u Founder Vice President ka seng u ma Sannio Siangshai kum u Chairman bad Secretary.
Na ka liang kitei ki rangbah kiban pyniaid ia katei ka Election ki la kyntu ia baroh ki dkhot jong JYF na baroh ki Unit bad ki Circle ban ia shim bynta ha katei ka Election kaban sdang naduh ka por 11 baje mynstep.
Ha ka juh ka por, ka Board of Election jong ka JYF ka la ioh biang bun ki Nomination Papers na ki members bad ki bymdei member kiba kwah ban iakhun ha katei ka Election ha kaba na ka liang ka Board of Election hadien ba ka la bishar bniah ia baroh kitei ki Nomination Papers, ka la rai ban ai lad ia baroh kiba don jingmut ban ia khun ia Election kaba kynthup naduh ka post President, General Secretary bad kiwei kiwei.
Ki Dkhot bad ki members jong ka seng baroh na ki Circle bapher bapher bad na ki unit bapher bapher ki lah ban ia shim bynta ban ia jied ia ki nongialam na ka bynta u snem 2014-15 bad 16. (SP News)
