Jowai, Jymmang 25: Ki nongialam jongka Jaintia Students’ Union (JSU) hapoh ka jingialam jong u President, mynta ka sngi kala ia kynduh ia u CEM ka JHADC ma thombor Shiwat halor ka nongrim ban dawa naka Council ban ai iaka Non Encumbrance Certificate sha ki paidbah, namar baroh shi katta ia kane
ka Certificate la ai daka Ophis jong u Deputy Commissioner lyngba ka Registrar Department ha kaba ki paidbah ki ia kynduh shibun ki jingeh khamtam iaka jingsiew kaba heh kaba ki hap ban siew ban ioh Register
iaka jaka jongki bad dei tang hadien bala dep Register kin sa ioh pat ia katei ka Certificate.
Ki Paidbah kiba kwah ban ioh ia kane ka Certificate ki dei beit ban Register iaka jaka jongki ha kane ka tnad hapoh ka DC’S Office, bad ka jingrem palat ka jingsiew haba register iaka jaka hapoh ka Registrar
dept. kala buh iaki paidbah haka jingeh kaba khraw, khamtam haba ki kwah ban shim kino kino ki Loan naki Bank bapher bapher da kaba pynshah (Mortgage) daka jaka.
Kumta na ka liang ka JSU hadien ba la ioh iaka jingujor naki paidbah halor kane ka jingeh, hadien bala ia pyrkhat bha, ka sngewdei ban dawa na ka Jaintia Hills Autonomous District Council (JHADC) ba ka dei ban ai ia kane ka Certificate sha kito ki briew kiba donkam kiba la don ruh iaka Land Holding Certificate jongka jaka jongki. ” lada ka JHADC ka on ka hok ban ai iaka Land Holding Certificate ka dei ruh ban don
ka hok ban ai iaka encumbrance Certificate namar ka dei maka kaba peit iaka khyndew ka shiap ong u president ka JSU.
Dei halor kane ka nongrim, mynta ka sngi ka Union kala ia kynduh bad ai ruh daka jingthoh sha u CEM ka JHADC ban dawa ba ka Council ka dei ban ai ia kane ka Certificate khnang ba ki paidbad kiba donkam kin lait na kine ki jingeh. bad na ka liang u CM ruh u la kubur ba kane ka dei kaba donkam eh bad ka dei ka bynta jongka Council hi ban ai ia kane ka Certificate bad u la kular ruh ban iatai bha halor kane haka EC kaban long haka 1st June.
