Shillong, Naitung 14: U President jong ka Khasi Jaintia National Union(KJNU) u la ong ba tang i aka ktien khasi ban pynrung ha ka Eight Schedule jong ka Riti Synshar jong ka Ri India haduh mynta ym pat lah ban leh ei ei, mynta la ia kwah sa ban thaw ia ka committee halor ki dak Pnaw. La ong ba na ka liang jong ka seng ka dawa na ka JHADC b aka dei ban pyndam noh ia kane ka Committee. La ong u Bah Nimman N Shadap.
Haba kren ha ki nongthoh khubor ha Shillong Press Club mynta ka sngi, la ong ba na ka liang jong ka KJNU, ka khot kawer ia u MP, ki MLA, ki MDC bad baroh ki seng bhalang ba ki dei ban ia mih sha khmat ban dawa ba dei ban pynrung noh i aka ktien khasi sha ka Eight Schedule jong ka Ri India, ymda la dep ia kane sa ia peit ia kiwei ki ktien.
Ha ka juh ka por u bah Shadap u buh ruh ia ka jingkylli mano ba thoh ia kita ki dak pnar, mynta lada jia ba u Bhoi , u War u Maram u dawa la ki jong ki dak thoh, aiu kan jia, u la ong ba ia mynta to “ Ngin ia pyndon kam shuwa ia ki dak thoh ha ka ktien khasi” namar kane ka jingiadawa kan wanrah ia ka jingiapra.
Na ka liang jong ka KJNU ka dawa ba lad aka JHADC kan iaid bad kane ka committee kaba la dep banthaw ha kaba u CEM u long u chairman ruh ka dei ban kyntup ia baroh ki khraw pyrkhat bad ia ki seng ha kane ka committee. Hynrei na ka liang jong ka seng ka dawa ba dei ban pynduh noh ia kane ka committee ba la thaw da ka KHADC.
U ne u nongialam jong ka seng KJNU, u la ong ruh ba “ Wat ia kwah long kpa jubor ia ki dak thoh Pnar” hynrei ym shym la ong mano pat kita, kaei kaba u pynsngew ka long ba kane ka jingleh kan wanrah i aka jingiapher jingmut hapdeng para khun hynniewtrep.
