Shillong, Lber 29
: Ki shipai BSF mynta ka sngi kila pynlong ia ka jingai jinghikai is ki 33 ngut ki samla briew na ki thain khappud bad ka Bangladesh ba kin trei bad ieng hala ki jong ki kjat bad kine baroh ki dei na East Jiantia Hills District.
Kane ka jinghikai kaba la ai mynta ka sngi ka long kyrpang kumno ba ki khun samla kane ka thain kin ioh banrung ha ki kam shipai nalor kiwei ki jinghikai ha kane ka jinghikai kaba kyrpang kaba la pynlong mynta ka sngi ha Mawpat.
U P K Dubey IG jongki BSF, u la ong ba ha kane ka juk kaba mynta ka don ka jingkyrduh kam ha kano kano ka bynta jong ka ri bad kane ka long ka jingialeh kaba khraw ha ka imlang sah lang bad kane ka jingbym don kam kala pynlong ia ki khun samla ba kin poi sha ki lynti kiba bakla.
Ban weng ia kane kajingeh na ka liang jong ki BSF kila wanrah ia kane ka lad ka lynti ban hikai ia ki khun samla ba kin lah ban ieng hala ki jong ki kjat da kaba seng ia ki kam la jong. Kane ka jinghikai ka long na ka bynta ki shynrang bad ki kynthei. Ia kane ka jinghikai la pynlong da ka 123 Bn jong ki BSF Mawpat.
