Shillong, June 3: U myntri ka koit kia khiah jong ka sorkar jylla u Bah A L Hek mynta ka sngi u la plie ia ka Mawkynrew Primary Health Centre bad u la plie ruh iaka jingai jingsumar ar kaba ar sngi ha katei ka jaka. Kane ka PHC Mawkynrew kan ai jingshakri ia kine ki shnongkum ka Mawkynrew, Mawlien, Umtong, Lynshing, Tmoi, Umsham, Nongpyrdi, Mynriah, Siltham, Khwad, Mawlatbah, Umblai, Mawrasai, Mawkria, Wahmawlein, Mawlakhiat and Wahlyngdoh.
Haba kren kum u kongsan ha kane ka sngi u myntri u la ong ba ka jingkwah jong ka sorkar ka long ban wanrah ia ki jingtrei kam jong ka sorkar kham jan sha ki paidbah bad ka jingplie ia kane ka PHC mynta ka sngi ka long ba ki paidbah ki don ban ioh ia ki jingai jingsumar kham sha jan, u la kyntu ia ki paidbah kin shim ia ka kabu ia kane ka jaka ai jingsumar.
Ha ka juh ka porn a ka liang jong u myntri u la kyntu ia ki paidbah ba ki dei ban ialeh katba lah ban wan sha jaka ai jingsumar ban pynkha ia ki khun jong kin a ka bynta ka jingmyntoi ka jong ki ha kaba ia dei bad ka koit ka khiah. U la batai ruh ia ka jingmyntoi na ka jingdon jongkane ka MHIS.
Kiba la ia poi sha kane ka sngi ki long palat ia ka 400 ngut ki briew kiba la wan ban ia shim bynta ha kane ka jingsumar ei, ki doctor kiba la iapoi ki long na Civil Hospital, Shillong, Ganesh Das Hospital, Shillong bad na NEIGRIHMS, Shillong.Ha kane ka sngi la ai burom ruh ia ki nongtrei ASHA jongka Mawkynrew C&RD Block na ka bynta jong u snem 2014-2015 kaba la ioh ia kane ka khusnam ka dei ka kong Tiewlinda Songthiang na Jongksha –B bad ka kong Sitamary Nongrum na ka bynta jong u snem 2015-2016 iaki khusnam la sam da u myntri ka koit ka khiah bad ha dien kane la don ruh ka jingthung dieng.
Kiwei kiba la ia don lang ha kane ka sngi ki long u Bah R. Pyngrope, MLA, kane ka jaka u Bah T. Chyne, MLA, u Bah B. Lyngdoh, MDC, Dr. R. Wankhar, DHS (MI), Dr. M.R. Basaiawmoit, DMHO, East Khasi Hills, Dr. (Mrs) J. B. Ranee, DMCHO, u Bah W.B.Marbaniang, BDO, Mawkynrew C&RD Block, bad u Bah Starling Nongpluh, Sordar jong ka shnong Mawkynrew.
