Shillong, Jylliew 01: U myntri rangbah ka jylla u Dr Mukul Sangma haba plie ia ka 4th Act East Business Show ha nongbah Shillong ia kaba la pynbeit da ka Indian Chamber of Commerce, da ka jingiatreilang bad ka tnad khaii pateng jong ka sorkar jylla , ka tnad jong ka sorkar pdeng ka DoNER bad ka North Eastern Council, u la ong ba ka jingeh jong kano kano ka sorkar ka long kumno ban pynkylla ia ka jingmut jingpyrkhat jong ki briew.
Na ka liang jong u myntri rangbah u la pdiang sngewbha ia kiba la wan na ki ri kiba dei jong ki Ri ASEAN, ha kane ka sngi na ka liang jong u Dr Mukul u la ong ba ka jingthmu jong ka kane ka jingialang ka long kumno ban ia phylliew jingmut kiba ia dei bad kane ka thain. U la ong ba ka jingiapyinam ha ka liang ka khaii pateng ha kane ka nongbah shillong ka long kaba jop bad ka dong shatei lam mih ngi jong ka Ri India kan long ka khyrdop sha kiri mih jong ka dewbah Asia.
Na ka liang jong u Dr Mukul u la ong ba ka kam ka jong u ka long ban wad ki lad ki lynti ia ki briew ha ka liang ioh kam ioh kam sha bar jong ka jylli jong ka sorkar. Ban long ki nongkhaii kiba paw dei ban shim ia ka rai kaba rangbah ban leh ia kano kano ka kam ha ka khaii pateng. Ka jylla Meghalaya ka don shibun ki marpoh khyndew bad kum juh ha ka rep ka riang bad ki briew ruh ki long kiba biang ha ki kam ki jam.
Kiwei kiba la don ha kane ka sngi ki long ka Ambassador jong ka Ri Philippines sha India, Ma Teresita C Daza, Ambassador ka Ri Thailand ha India, Chutintorn Gongsakdi, Ambassador jong ka Lao PDR sha India, Southam Sakonhninhom, Assistant High Commissioner jong ka ka Bangladesh sha India, Kazi Muntashir Mursheed, Li Baijun, Economic bad Commercial Counselor, Embassy jong ka Ri Peoples Republic jong ka Ri China sha India bad Habib Md Choudhury, Chairman, ASEAN India Business Council (AIBC), Lao PDR Chapter kila don lang ha kane ka sngi.
