Shillong, Jymmang 21: U Symbut Myntri Rangbah ka jylla u bah Prestone Tynsong u la ong ba ka jingiskhun pyrshah ia kane ka khlam COVID-19 ka shong eh ha u wei pa u wei da ka ba sumar ia lade, haba don kino kino ki dak ki shin ba don ia ki jingshitom dei ban pyntip ym ban lehrain.
U Symbut myntri rangbah u la kyntu ia ki paidbah nongshong shnong ba kin long kiba phikir bad haba ki sngewshitom bad ban pynkyrpang ia lade bad haba don kum ka jingshit met, Suhkhriat bad Jyrhoh ki dei ban pyntip sha ki bor sorkar ban ioh ban leh ia ka ba don kam.
Haba ia dei ki marbam mardih u bah Prestone u la ong ba ki paidbah Kim dei ban khuslai, haba ia dei lad kari ka ba u la kren u la ong ba kane ka dei ka por ka ba khim bad ka sorkar ka sngewthuh ia ka jingeh ki paidbah.
Haba ia dei bad ka jingioh ban rung ki briew ha kane ka por khangdam ka sorkar kala bthah is baroh ki Superintendent ki pulit ki Deputy Commissioner ba peit ba ki briew kim deo ban ioh rung khlem da ioh ia ka jingbit na ki District administration.
Haba ia dei bad kiba khlad COVID-19 u bah Prestone u la ong kim dei ban tieng ban pyndep ia ka niam ka rukom namar na hospital la synreit dawai, ka ba kin sngewthuh ka long bsn nym plie is ka synduk, ka sorkar kala pynhiar sha ka 10 ngut ki briew ban leit on tep.
