Shillong, Lber 11: katba ka jingia kren kam pynbeit pud hapdeng ka jylla Assam bad Meghalaya ka dang sah hapoh ka tnad kam poh iing ka sorkar pdeng, ka sorkar Assam kala wanthung ia ki mawpud ha wah Umshru kaba hap hapoh jong ka Nongwah Mawtamur ha Ri Bhoi District.
Haba ia dei bad kane ka jingwan thung mawpud jong ka jylla Assam, ki khlieh nongsynshar jong ka Hima Jirang kila leit sha katei ka jaka ban lap ia ka jingshisha bad ia kane ka jingleh ka jylla Assam la ujor sha u Deputy Commissioner jong ka Ri Bhoi District.
Na ki dur kiba SP News Agency u la ioh la paw na ki mawpud ba la leh ia kane ka jingwan thung mawpud la leh da ka tnad “Assam Survey” 2021-2022, na ka liang jong ki khlieh nongsynshar ka hima Jirang kila leit ban jurip sha katei ka jaka ba la thung ia ki Mawpud ka da ka sorkar Assam.
Katkum ki jingtip kiba la ioh la sngewthuh ba u Deputy Commissioner jong ka Ri Bhoi District u la khot ia ki khlieh nongsynshar jong ka Hima Jirang ha ka sngi nyngkong ban ia kren ia katei ka jingwan buh mawpud ka jylla Assam.
Haba u SP News Agency u la pyrshang ban ioh kren ia ki bor pyniaid jong ka Ri Bhoi District halor kane ka jingjia da kaba phone ia u ADC ym shym la lah ban ioh ban ia kren namar ba khlem shim ia ka phone.
