New Delhi Jymmang 13: Ka jingiakynduh lang ba shisien shi snem jong ka Relief Commissioners (RC) bad ka tand jong ka Disaster Management jong ki sorkar jylla bad ki Union Territory kan long ha Delhi ha ka 18 tarik mynta u bnai ha kaba yn sa plie da u Rajiv Mehrishi, Union home secretary.
Kane ka jingiakynduh lang na ka liang jong ki heh ka sorkar pdeng bad ki heh jong ki sorkar jylla ka long ban ia peit bniah ha duh katno ki long kiba la pynkhreh na ka bynta ban ai ki jingiada ha ba wan ki jingpynjulor na ka mariang khamtam eh ha kane ka lyiur kaba mynta 2016.
Ha kane jingialang kin don lang ruh ki heh na ki kynhun shipai bapher bapher jong ka Ri, ki sorkar na ki tand sorkar bapher bapher jong ka sorkar pdeng, khamtam eh na ka liang jong ka
Metrological Department, kaba dei peit ia ka mariang, ka Indian Space Research Organization, Snow bad Avalanche Study Establishment (SASE), ka Central Water Commission, ka Indian National Centre jong ka Ocean Information Services, Geological Survey jong ka Ri India India, Ka tand ïada Ri bad National Disaster Response Force, kine ki batai kumno ban leh ha ka por ba don ka jingshah pynjulor ha ka mariang.