Shillong, Nohprah 18: Ka jingialang jong ki nonghikai SSA kiba hap hapoh u pud u sam ka South West Khasi Hills District kan long ha ka 20 tarik mynta u bnai ha Mawkyrwat Community Hall, Mawkyrwat ha ka por 11 baje mynstep.
Ha katei ka jingialang yn sa iakren halor ka D. El. Ed training khamtam ia kito ki bym pat ioh ban leit ia ka training, ka tulop thymmai nolar kiwei kiwei ki kam kiba iadei bad ki jingeh jong ki nonghikai SSA hapoh South West Khasi Hills.
Ki nongialam jong ka Meghalaya SSA Schools Association (MSSASA) Central Body u bah Aristotle C. Rymbai President bad u bah Hamarbamut Marbaniang General Secretary kin Iadon lang. Kumta ka synjuk ka kyrpad ia baroh ki para nonghikai SSA ban wan khnang khnang ha katei ka sngi. Ong ka kyrwoh na u bah L. H. Pariong President MSSASA – South West Khasi Hills District Unit
