Shillong Risaw 5: Ka I-League Club na Shillong, North East India, Shillong Lajong FC mynta ka sngi la plié ia ka dukan die mobile jong ki ha kane ka nongbah Shillong ha khyndai Lad.
Ka jingthmu ban plié ia kane ka dukan ka long ba kane ka club ka dei ban don la ka jong ka jingmih ban kyrshan ia ka, na kane ka daw ba baroh ka bai ioh nong na kane ka jingdie ia ki mobile kan leit sha kaba pyniaid iaka club.
Ia kane ka dukan la plié da ki rangialehkai bad u nongai jinghikai ia kane ka club bad ia kane ka dukan la ai kyeteng “The Mobile Centre”. Kane ka dukan kaba don ha Khyndai lad ka don ia bun jait ki mobile katkum kane ka juk bad mynta.
U Bah Larsing Ming Sawyan CEO bad managing Director jong ka Shillong Lajong FC u ong ba kane ka dei sha bar jong ka club hynrei kane kan iarap ha ka jingpynmih pisa ia ka club. Kine ki jingleh baroh ka long ban pynlong ia ka club ba kan don la ka jong ka jingmih.