Shillong, Naitung 12: ka jingkhang jong ka tand khlaw jong ka sorkar jylla ban shallan ia u rynga sha ki karkhana mawlien ha kane ka jylla Meghalaya kala ktah ia ki bad bun na ki karkhana kiba don ha Byrnihat mynta kila khang khyrdep.
Ki thymmei khubor napoh jong ka tand khlaw jong ka sorkar jylla haba pynsngew ha u SP News Agency kila ong ba ka sorkar ym tang ba ka khang ia kane ka jingshallan rynga hynrei mynta kala niew syndon ba ka long kaba beain.
Na ka liangjong ka tand khlaw jong ka sorkar jylla la pynsngew ba naduh ka por ba ai jingbit ia kine ki karkhana la dep ban bthah iaki ba ia u rynga ki dei ban thied na sha bar jong ka jylla kin nym lah ban thied na kane ka jylla.
Ha kine ki snem kiba la leit noh kala don ka jingiakhaii tuh ia u rynga na kane ka jylla sha kitei ki katkhana kiba don ha Byrnihat, mynta ha dien ba ka tand khlaw jong ka sorkar jylla kala kem naphang ia ki trok kit rynga kala don ka jingktah ia ki karkhana bad bun kila khang.(SP News)