Shillong, Jylliew 04: Ka 15th Finance Commission kaba la khlieh da u Chairman, N.K. Singh ka la pynlong jingialang kaba bniah bad ka sorkar Meghalaya ba la khlieh da u Chief Minister, Conrad Kongkal Sangma mynta ka sngi bad ki jingiamir jingmut ha ki katto katne kiba kongsan.
Ki khajna kiba mih na la ka jong ka jylla Meghalaya kum ka % jong ka GSDP kalong 4.38% ha u snem 2016-17 (ka average jong ka thain shatei lammihngi bad ki jylla rilum kalong 5.02%). Ka jingshaniah ha ka sorkar pdeng ka jur bha. Ka jylla Meghalaya ka ioh 80% ka Total revenue receipts (TRR) jong ka kaba wan na ka sorkar pdeng.
Ka jingkitram Ka jylla Meghalaya ka don ia ka Debt, GSDP ratio kaba 33.19% ha u snem 2016-17 bad 31.76% ha u snem 2017-18. Kane kalong kaba kham heh ban ia ka FRBM target kaba 20%. Kane kalong ruh kaba kham heh ban ia ka average debt jong kiwei kiwei ki jylla ka thain shatei lammihngi bad ki jylla rilum kaba long 29.32% ha u snem 2016-17.
Ka jingkhang tih dewiong ka NGT ha Meghalaya, ha u snem 2014, ka NGT ka la hukum ban khang noh ia ka kam tih dewiong ha ka jylla. Kane ka la don jingktah ia ka GSDP bad ki khajna jong ka jylla. Namar ba ka kam tih dewiong ka don ka bynta kaba kongsan bha ha ki kam ba iadei bad ka ioh ka kot, ka GSDP jong ka jylla ka la hiar ha u snem 2014-15 da 2.1%. Kane ka la ktah ia ka ioh kam ioh jam ha ka jylla. La sakhi ruh ia ka jingkiew ka jingdon ki kam sniew ha ka jylla.
La don ka jinduhnong haduh T 255 klur ha u snem 2014-15 kaba la mih na ka jingshah khang diewiong. Ka sorkar jylla ka la antad ruh ba la don ka jingduhnong kaba kumba T. 600 klur ba la don ka jinghiar ha ka OTR (sales tax, excise etc). Kane ka long namar ki linkage katkum ka State Memorandum. Hynrei, hadien ba la wan ka GST bad ka jingkiew ka ioh ka kot, ka jingioh khajna ha ka jylla ka la kiew suki suki.
Ka ratio ha ka jingthep pisa ha Meghalaya ka la ju long tang 35-40% ha kine ki 10 snem ba la dep katba ka long 60% ha ka ri. Don katto katne ki jingkdew ha ka koit ka khiah ha Meghalaya kiba duna ia ka national average kum ka jing samah ha ki khynnah, ka jingduna snam ha ki longkmie, ka jingkhlad noh ki khyllung. Harum la kham kdew shai ia kine:
Ka jingduna ha ka liang ki surok,Ka jingdon ki surok ha Meghalaya ka long tang 401 km/1000 square km katba kane ka long 952.8 ha ka ri baroh kawei.Ka Meghalaya ka don ha ka kyrdan 22 ha baroh ki SDGs (Sustainable Development Goals). Ia ka composite SDG index jong ka Meghalaya katkum ka jingkhein ka Niti Aayog ka long 52 kaba duna ia ka India composite index kaba long 56. Dei tang ka Assam kaba kham duna ia ka Meghalaya hapdeng ki jylla ka thain shatei lam mihngi.
Ka jinglong ki kompeni jong ka sorkar, na ki 15 tylli ki PSU ha ka jylla, tang kawei ka SPSU ha ka jylla (Forest Development Corporation Meghalaya Limited) ka la iohi ia ka jingiohnong haba kut u snem 2016-17. Ia kane la pynkhia shuh shuh da ki PSU ba don ha ka Power sector ha ka jylla. Kine ki power sector SPSU ki la duhnong haduh T 1836 crores, kaba long 6.5 % jong ka GSDP.
Hynrei, la don 6 tylli ki SPSU kaba kynthup ia kawei ka power sector SPSU kiba la iohnong ha u snem 2016-17. Kane ka jinglong jong ki SPSU ka wanrah ia ki jingma ia ka Meghalaya.Ki jingduh nong ha ka liang AT&C: Ka jingduh nong ha ka liang ki AT &C jong ka power sector ha Meghalaya ka long 34.64% (2017-18) haba nujor ia ka thong 27.50% (Source: M/o Power)
Ki jingkyrpad na ka liang jong ka jylla ki long, ban pynkiew ia ka vertical devolution na ka 42% sha ka 48%. 30% na ka 48 % ka dei ban long na ka bynta ki jylla special category khnang ban iada ia ki na ka jingkhih ka union revenue bad ka ioh ka kot jong ka ri kiba lah ban ktah ia ka jinglum khajna ha ka jylla.Ka Meghalaya ka la pyni ia ka pre-devolution deficit kaba long T. 62,870 klur na ka bynta ka FC-XV.
Ka Commission ka la iakren ruh halor ka jingktah jong ka jingpyntreikam ka 5th Pay Commission,bad ka jingshah ram namar ka jingktah ka UDAY. La iakren ruh ia ka jingpynlong ia ka 39th National Games ha Meghalaya ha u snem in 2022 ban rkhie ia ka Golden Jubilee jong ka jingioh ia ka jylla Meghalaya. Kane kan long ka kam kaba khia ha kaba yn donkam ki jingtei ba bun ryngkat bad ka jingpyndonkam ia ki jingdon khnang ban lah ban pynlong ia ki kam kiba donkam.
Ha kaba pynkut, u Chairman u la kren halor ki jingeh ba ka Meghalaya ka iakynduh ha kaba iadei bad ka macro-economics. U la pynpaw iaka jingsngew khia halor ka jingkiew suki ka GSDP ha ka jylla. U Chairman u la kren halor ka jingdonkam ban wanrah ia ka jingiatreilang bad ki private kompani ha ka phang ka tourism ha Meghalaya. U la ong ruh ba donkam ban peit khab bniah ia ka renewable energy katkum ka jinglong ka jylla Meghalaya. Ka Commission ka la kular ba peit bniah ia ki jingkyrpad ba la buh da ka jylla khamtam kito kiba lah ban wanrah ki jingkylla kiba bun.
Hynnin ka janmiet, ka Commission ka la iakynduh bad ki nongmihkhmat jong ki seng sain pyrthei jong ka jylla. Kine ki nongmihkhmat ki la pyni ia ki jingeh ba ka jylla ka iakynduh khamtam ha kaba iadei bad ka jingkhapngiah ka nongbah Shillong, ka jingduna ki skul bad ki hospital, ka jingduna ki nonghikai bad ki doktor kiba la pyntbit ha ki jaka nongkyndong bad ka jingkhanglad ha kaba iadei bad ka jingkhaii tiar shabar ri lem bad kiwei kiwei pat ki jingeh.
Kine ki nongmihkhmat na ki party bapher bapher kiba la ia kynduh ia u Chairman jong ka 15th Finance Commission ki long ka party,Peoples Democratic Party, Nationalist Congress Party, Meghalaya Pradesh Congress Committee, National Peoples Party, Meghalaya, Bharatiya Janata Party, Hill State People’s Democratic Party , Khun Hynniewtrep National Awakening Movement.
