Nongstoin, Naitung 04: Ka jing pynsahteng jong ka sorkar ban pyntrei ia ka surok na Nongstoin shaduh Mawiawban kaba pyniasoh bad ka By Pass jong ka Natinal Highway 44(E) kaba jngai tang kumba 7 kilomitar ka la pynkordit haduh katta katta ia ki paitbah nong leit nongwan khamtam eh ba katei ka surok ka dei kaba pyniasoh haduh Riangdo Shallang haduh Garo Hills.
Ha u snem ba la dep ka BSC.C&CJV ka Kompeni kaba trei ia ka National Highway 44(E) Shillong Tura ka la sdang ban pyntrei ha kaba ka la trei ruh kumba 2kilomitar bad ka jingthmu ka long ban pyndep ia katei ka surok tang hapoh lai bnai haduh pdeng sor jong ka Nongbah Nongstoin hynrei kaba sngewsih ka long ba ahduh mynta ym pat lah ban pyndep.
kaba la pynlyngoh ia ki paidbah ka long ba mar ia sdang ban pyntrei tang marshiteng ym pat poi ka la shu sangeh noh bad ym tip ka ei ka daw ba ki la pynsangeh noh ia ka jingpynteri ia ka tei ka surok.
U heh Nongpyniaiad jong ka BSC&CJV uba dei u Project Manager u la ong ba ka ka jing sangeh ban pyntrei ia katei ka surok ka long namar ki don katto katne ki jing pynthut hynrei um shym la iathuh shai kiei kiba pynthut haduh ba hap ban pynangeh shi syndon ia ka jing trei.
katei ka surok ka la nang sniew katba dang ih ki sngi haduh ba ka la shim por haduh shikynta tam ia ki kali kiba iaid tang ha ka jingjngai kaba hynniew kilomitar bad ka wei ka jingeh ka long khamtam ia ki briew kiba pang kiba shitom.
Ki paitbah ha kane ka thain ki la ong ba ki Nongmihkhmat bad ki Minister kim tip haduh katno ki paitbah ki ia kynduh jingeh na ka jingsniew jong katei ka surok namar lada ki khun jong ki ki pang la pynkit da ka eroplane na suin ban phah sumar sha Guwahati na sha Vellore.(SP News)
