Shillong, Lber 16: Ka Election Commission of Idia (ECI) ha ka jingialam u Rajiv Kumar Chief Election Commission, U S S sandhu election commissioner bad U Gyanesh Kumar Election Commissioner mynta ka sngi ka 16 tarik u Lber ka la pynbna ba ia ka Election MP sha ka Loksabha na ka bynta ki 544 tylli ki parliamentary Constituency haka ri baroh kawei
Ka kaba 412 seat na ka bynta ki general, 84 seat na ka bynta ki Scheduled Caste, 47 seat na ka bynta ki Scheduled Tribe kan sdang na duh ka 19 tarik u Iaiong 2024 bad ka jingniew ia ki vote pat kan long ha ka 4 tarik u Jylliew 2024.
U Rajive Kumar u la iathuh ba ia kane ka Election yn pynlong ha ki hynniew bynta. Na ka bynta ka Northeast ka election ha baroh ka Jylla kan long ha ka bynta ba nyngkong kata ha ka 19 tarik u Iaiong.
U Kumar u la ongruh ba hakne ka election ba mynta kin don haduh 97 klur ngut ki nongthep vote ha ka Ri baroh kawei bad kin don haduh 10.5 lakh ki poling station haka Ri.
Ka election commission ka la pynkhreh ruh ia ki borpahara ba kan ymdon kano kano ka jingia kynad. U Election Commission u la ia thuh ruh ba kin pyrkhieng bha ha ka ba iadei bad ka jing pyndon kam pisa bad kiwei kiwei pat ki jing ai sngew bha sha ki paidbah.
U la ong ruh ba ki political party ki dei ban kiar na ka ba kynthoh shimet ne ban pyndon kam da ki ktien ki ba khlem akor ne ki ba ktah ia ka jing im shimet jong ki briew.
Ka Election Commission of India kan sdang ia ka jing thep vote na ka bynta ka wad nyngkong kan sdang ha ka 19 tarik u Iaiong 2024 ha ki 21 tylli ki states bad union territory.
Ka wat baar pat ka jingthep vote kan long ha ka 26 tarik u Iaiong 2024 ha ki 13 tylli ki state bad Union Territory. Kat ba ha ka wad balai yn pynlong ia ka jingthep vote ha ka 7 tarik u Jymmang 2024 ha ki 12 tylli ki satate bad union territory.
Ia ka wat basaw yn pynlong ia ka jing thep vote ha ka 13 tarik u Jymmang 2024 ha ki 10 tylli ki state bad union territory. Ha ka wad basan ka jingthep vote kan long ha ka 20 tarik u Jymmang ha ki 8 tylli ki state bad union territory.
Ia ka wad ba hynriew ka jing thep vote kan long ha ka 25 tarik u Jymmang 2024 ha ki 7 tyllli ki state and union territory. Kat ba ia ka wad ba khadduh ka jing thep vote kan long ha ka 1 tarik u Jylliew 2024 ha ki 8 tylli ki state bad union territory.
Haba phai sha ka jylla Meghalaya, ka jingpynmih ia ka jingpynbna sorkar kan long ha ka 20/3/2024 ban sdang ka jingiathep kyrteng, ka sngi ba khatduh ban thep kyrteng kan long ha ka 27/3/2024, ka sngi ban bishar niah ia ki nomionation 28/3/2024, ban weng na ka jingiakhun ia ka elekshon kanlong 30/3/2024.
Ka jingiathep vote kan long ha ka 19/4/2024 bad ka jingniew vote kan long ha ka 4/6/2024 bad ia kikam kiba ia dei bad ka elekshon dei ban pyndep h ka 6/6/2024. Ka 1-Shillong Parliamentary (ST) Konstitwensi ka don 36 tylli ki MLA konstitwensi, ka 2-Tura Parliamentary (ST) Konstitwensi ka don 24 tylli.
Ki nongthep vote baroh kidon 2217100 ngut, ki shynrang ki don 1094947 ngut, ki kynthei ki don 1122150 ngut, ka jingkiew jong ki nongthep vote na ka MLA elelction ha u u 2023 ha kane ka MP elekshon 2024 ki long 55791 ngut. Ki ban dang ioh thep vote nyngkong ki long 56909 ngut.
Ka jingdon ki jaka thep vote baroh ki long 3512 tylli ha ka jylla baroh kawei, ka jingpoi jong ki nongthep vote ha ka MP elekshon kaba la dep ki long 71.43% ha ka jylla baroh kawei, ha 1-Shillong Parliamentary Konstitwensi kan long 65.48% katba ha ka 2-Tura Parliamentary konstitwnesi ka long 81.38%.
