Shillong, Iaiong 05: U Bah Banshai Marbaniang u wei na ki riew treimon sngewbha u la ong ba ka Smart Road kaba la sangeh ban shna ha Lachimier kala wanrah jingeh ia ki paidbah Nongshong Shnong jongka Shillong lyngba ka Surok ba pyntreikam hapoh Lower Lachumiere bad ka jingpyntreikam ia katei ka Surok ka la shu pynsah umdum ia kiba bun balang hadien ba ki la siang noh pynban da ka Dewbilat ymshuh da ka Surok Rong kumba long naduh kipor barim.
Katei ka Surok kadei kaba ju iaid kali na shadien jongka ophis treikam jongka Meghalaya Public Service Commission (MPSC) lem ha ryngkat ruh bad kiwei kiwei ki ophis kiba bun kiba don sha katei kaliang. Hapdeng jongkatei ka Surok kala don ruh ka Skul All Saint kaba bun ki paidbah ki ju sngewtynnad ban phah skul ia ki khun hapoh katei ka skul lyngba ka jingnang jingstad.
Kane ka Surok ka dang hap hapoh jongka Shnong Lower Lachumiere bad lyngba katei ka Surok la ju iohi naduh kipor barim baroh ba ki Kmie ki Kpa kiba wan shaw skul ia ki khun bunsien ki juioh banieng kali ban iaid kylluid khlem da kyrkieh namar ki sngewshngaiñ ba lait ban iaid napoh ka Surok bah main Road.
Kumba ngi sakhi pat halor kine ki sngi kiba mynta ka jingshngain kala duh noh namar ba ymioh shuh ban iaid kali na katei ka Surok bad bunsien haba wan shaw skul ne leit trei ophis ki la hap ban ieng kali hapoh surok bah main road M G Road, IGP Point bad ka jingtieng jingsmiej kala pynlong ia kiba bun halor shuh shuh ka jingjia jongka jingbun kali kaba la pynlong kum ka jingkhapngiah kali.
Kham bunsien kala wanrah ia ka jingsngewsih kaba khraw ia ki paidbah haba ki iaid lynti halor ka leit ka wan manla ka sng napoh ka surok bah bad ruh khamtam ia ki kmie ki kpa kiba hap ban phikir bad husiar khamtam haba phai katkum kapor ba dei ban leitbuh skul ne shaw skul manla ka sngi haduh teng teng ba kimlah ban poi halor kapor ba biang namar ka jingjur jongka jingkhapngiah kali (traffic jam) kaba la pynlong ka jingbymshngain ia ki paidbah khamtam ki khyllung khynnah.
Ka jingwamrah jongka Sorkar Jylla ban pyntreikam da kaba pynbha ia katei ka Surok ha kaba sdang ki paidbah ki dang mut ba yndang kham pynheh pyniar ia ka surok bad ruh ban pynduna na bynta ka jingkhapngiah kali hapdeng manla ka sngi.
Bun ki paidbah kimlah ban tip mano ba pynbha ban pyntreikam ia katei ka surok bad kidang mutdur hi ba kalong beit napoh jongka tnat sorkar lyngba ka PWD road, hynrei ynda iohi pat ha kine ki sngi kiba bynta ymshym patlah ban pyntreikam ha kaban pyndep ia ka watla hadien ba la slem naduh ki snem shakhmat ba la pyntyllun.
Shuh shuh nalor kata ynda haba iohi ba nalor ka surok rong la pynkylla ban siang noh pynban da ka dewbilat bad ba dang pynrit shibun nalor ka surok kaba la long shisha kum ka jingiuhroit ia ka hok jong ki paidbah Nongshong shnong da kaba pyrshang ban pyntieng pynsmiej bad ruh ban ym ailad shuh ban iaid kum ka surok paidbah.
Lyngba ka jingpyntreikam ia katei ka surok ka la wanrah bun ki jingeh ia ki paidbah kum ki Nongtreikam sorkar, ki longkmie longkpa ba wan shaw skul bad kumjuh haduh ki skul bad ki ophis sorkar ba bun. Ki jingjia kiba la mih kilong ka jingieng kali ka bymbiang shuh haduh la hap ban ieng pathar tang namar ba ymbanse ban beh kloi iaka kam katkum kapor ne haduh wat ban leit shaw skul khyllung khynnah ruh kumjuh.
Ka jingwanrah ban dang heh dang iar ka jingkhapngiah kali hapoh Shillong khamtam hapoh Lower Lachumiere kaba long ka Shnong kaba bun ki ophis treikam sorkar bad ka jaka pule ruh kumjuh.
Nalor kata shuh shuh ka jingduna ki lynti iaid kjat namar ka jingrit ki surok iaid kali kadang pynlong syier mynsiem ia kiba bun balang khamtam lada dei ki riewtymmen bad ki khyllung khynnah kiba hap ban iaid manla ka sngi. Kane baroh kala pynlong ban wanrah ia ka jingmut jingpyrkhat bym banse iangi ki briew kiba niah kali kat haduh ban iaid kulmar khlem da salia shuh wat ban pynkheiñ nalor ki traffic rules.
Kadaw kaba pynlong iangi ba ngi hap ban kren ia kane ka mat kaba long ka bynta kaba kongsan namar ba ngi dei ban ioh ia ka Sorkar kaba biang ban ai ka jingshakri kaba pura ia ngi kum ki paidbah Nongshong shnong jongka Jylla bad kaba ngidei ban sngewthuh ba kano kano ka bynta kaba ngi pyndonkam hangne ha sla Pyrthei kalong ka bynta ba kordor jong u paidbah.
U la ong ba ymtang katta nalor kumjuh ba ngilong ruh ki paidbah kiba don halor ka bor kaba long ka Hok ban ieng bad jied ia U ne Ka Briew kiban leit banlong ki Nongmihkhmat halor ka kyrdan na ka bynta ban wanrah ia ka jingdonkam jongki paidbah ymban shu leit hylla ne put turoi sharum shaneng haduh ban da poi u pud ban shu leh lyndet ia ki paidbah tang namar ka jingsngewheh kum u Kynrad nalor duh khlem da pyrkhat bad kynmaw shuh ia ka kyrdan halor ka jingshakri paidbah.
Kumta nakaliang jongngi ka kynhun Meghalaya Awaken Concern Citizens kumba ngi pyrshang ban kren bad sakhi kum ki Nongshong shnong kiba ieng ban shakri halor ka bha ka miat jongka imlang sahlang ngi kyntu jur ia ka Sorkar Jylla.
Lada dei na ka tnat jongka PWD road ne lyngba kano kano ka department kiba shimti ban pyntreikam ia katei ka surok ba ladei shisha ban pynbha katkum ka surok kaba dei ban iaid kali bad ban buh ruh ia ki Nala Tuid Um kiba biang bad ha ryngkatlang ka Lynti Iaid Kjat Paidbah kumba kadei ban long.
La ong ban ban donkam shuh shuh ha kaban pynheh pyniar nalor kaba rim ympat da kaba pyrshang ban buhrieh shadien da kaba pynjah bad pynrit kham palat ban ia kaba long naduh kipor ba la leit.
Lada sngap bad sngewthuh kane kanlong ka jingbha da kaba wanrah ka jingsngewshngain ia ki paidbah bad ruh ka jingsuk mynsiem halor kiba bun kiba donkam bad ban dang pynduna ruh ia ka jingkhapngiah kali ha surok kaba la wanrah mynta manla ka sngi lyngba ki jaka bapher bapher jongka Shillong bad kumjuh haduh kine ka sngi shapoh Lower Lachumiere.
