Jowai, Nohprah 12: Ka Jaintia Students’ Union (JSU) Sengkmie kum shi bynta ban iathir bad ban ia phlliew jingmut halor ka jingiaid lynti jongka JSU bad kumjuh ban iathir ruh ia katto katne ki mat ba iadei bad ka Jaitbynriew ka la rai ban pyllong iaka prokram ” Ia kynduh Lang ki dkhot barim bad ba mynta jongka JSU” haka 17th December 2016 ha District Library Mynthong Jowai naduh ka por 12 baje mynsngi.
ha kane ka sngi hadien ka jingia phylliew jingmut kan don ruh ka jingleh burom barit ia baroh ki member barim jongka JSU bad kumjuh ruh ia kito ki member kiba la ai sngewbha daka Snam naka bynta ban iarap iaki para mynsiem ba kordor, bad kiwei kiwei ki prokram.
kumta ha kaba iadei bad kane ka sngi kaba kaba kham kyrpang iaki member barim jongka Seng, na ka liang ka JSU sengkmie ka kyrpad jur ia baroh ki member barim jongka ka Union naduh bala seng iaka ban ia pyllait por khnang khnang ban wan sha kane ka jingiakynduh lang ha kane ka sngi bala buh.
Ha ka juh ka por ka JSU sengkmie lynba kane ka jingpyllait khubor, ka kyrpad jur ia baroh ki member barim jongka JSU ban shimkhia ia kane kum kawei naki bynta ba donkam eh naka bynta ban tei iaka ri bad ka Jaitbynriew bad kumjuh ban shim ruh ia kane kum ka jingpyntip bad ka jingkyrpad wat lada ka seng kam lah ban pynpoi iaka jingkhot sngewbha iaphi ha man la iwei pa iwei.
