Shillong, Risaw 05: Ka khasi students’Union (KSU) ka pawpaw iaka jing pyrshah kaba Jur, lada ka sorkar kan iaid sha khmat ban pynlong iaka ilekshon municipal.
Ka seng kaba lah ïeng pyrshah lah bun snem ia kane ka mat bad mynta ka kynti ruh ki ïeng haka juh ka nongrim ban ong beit “EM” iaka municipal ilekshon,namar kim kwah ba Ïa ki riti ki dustur yn shu klun jubor bad yn shu wan rah jubor iaka dustur nongwei ban pyntroin iaka iktiar ki dorbar shnong,ki dorbar hima,ki dorbar raid.
Ka seng KSU ka lon ba, da kaba shai kdar ka seng ka ïeng beit ban pyrshah Jur lada ka sorkar ka thmu ban iaid sha khmat halor Kane ka mat, long katba long jia katba jia kin ong beit em iaka ilekshon municipal.
Ka jingthmu ban pynlong iaka municipal ilekshon Kadei ka jing kwah ban khynra Ïa ki riti ki dustur bad ban pyndam shisyndon ia kaei kaba kum ka jaitbynriew ka don baroh shi katta, la ong ka KSU.
Ka seng ka iawer ia ia baroh ki dorbar shnong ha kylleng ka bri u hynñiew trep ban ong beit em iaka ilekshon municipal,namar kadei ka atiar ban sa sloit noh iaka iktiar ki dorbar shnong, ki rangbah shnong bad kan long shi bynta ban ioh mushlia ki bym dei ki trai rI trai muluk ia ki riti ki dustur jong ka jaitbynriew bynriew.
Naduh ki mynbarim ki niew Kyntang ia ki riti ki dustur, niew Kyntang ia ki dorbar shnong dorbar hima dorbar raid, hynrei lada ki bor ba nabar ki thmu ban wan tap tyllep kan dei ka jingma kaba khraw.
Ka seng ka kren shai kdar sha ka sorkar, ba Wat mushlia Ïa ki riti pyniaid shnong pyniaid thaw da kaba thmu ban wanrah daka municipal ilekshon, hynrei dei ban aibor ban pynkup bor shuh ia ki dorbar shnong ym ban pyntroin bad thmu ban pynduh iaki.
Lada ka sorkar kan iaid sha khmat ka seng ruh kan iaid shakhmat laka lynti katba jia, bad lada kan pynlong iaka ilekshon municipal kin hap shim iaka jingkit khlieh lada mih ki kynrum kynram.
Na ka liang jong ka seng KSU ka ong ba ka phah ia kane ka kyrwoh sha ka sorkar jylla ba kam dei satia ban pynlong ilekshon municipal, hynrei rai ban pyndam noh shisyndon iakane jingthmu bad ai ba ki rukom shynshar shnong shynshar thaw kin neh beit kumba ju long.
Ka seng ka kyntu iabaroh ki political party, Ïa baroh ki MLA, ban ong em iaka ilekshon municipal bad lada kito Kiba kyrshan ban pynlong iaka ilekshon municipal kin shim iaka jingbah khlieh.
Ka seng ka phah ruh iaka kyrwoh Ïa ki bym ki trai rI trai muluk ba kim dei ban mushlia Ïa ki tynrai jong ka jaitbynriew ioh kan mih ka thma sngewpher jaitbynriew. La ong u president ka seng u bah Lambokstarwell Marngar ha ka kyrwoh kaba la phah mynta ka sngi.
